HOSPITALI YA RUFAA YA MTAKATIFU BENEDIKTO NDANDA
Hospitali ya rufaa ya Mtakatifu Benedikto Ndanda inajulikana sana katika eneo lote la kusini mwa Tanzania. Ni hospitali ya binafsi ya kidini na sehemu ya shughuli za kitume za Abasia ya Ndanda. Lengo letu ni kutoa huduma bora za afya kwa wagonjwa wote,bila kujali imani ya mtu, hali ya kijamii na kiuchumi. Timu yetu ina wafanyakazi 338, ikijumuisha wataalam 6, Madaktari 10 (MD),Madaktari wasaidizi 3 (AMO), Madaktari 8 wa ndani na wauguzi 102,Wagonjwa wanatoka mikoa ya mbali ikiwemo Dar es Salaam, ya Zanzibar na Msumbiji. Kwa wagonjwa wa kulazwa tuna vitanda rasmi 300 ndani ya wodi 12 tulizonazo. Kwa mwaka tunawahudumia wagonjwa wa nje zaidi ya 80.000 wakiwemo wagonjwa wa ndani zaidi ya 7.000.
Tunatoa huduma za kimsingi na maalum kwa kutumia vifaa vya kisasa. Maabara yetu ina vifaa vya kutosha na imepata nyota 5. Tuna kitengo cha wagonjwa mahututi (ICU),NICU na uchujaji damu (dialysis) yenye mashine 10 za uchujaji damu. CT Scan, Mashine ya X-ray ya kidijitali,Mashine za upigaji picha za hali ya juu (U/S) na endoscopy ya video zinatumika. Wafanyakazi wetu wamefundishwa vyema na kuhamasishwa sana kutoa huduma bora zaidi.
Habari za hivi karibuni na miradi
Makabidhiano ya Vyoo Wodi ya magonjwa ya akina mama,kabla na baada ya kuzaa
Mnamo tarehe 22 Machi 2023, vyoo vipya vya wodi ya magonjwa ya akina mama,kabla na baada ya kuzaa vilivyofanyiwa ukarabati vilikabidhiwa.
Nafasi za kazi Oktoba 2023
Uongozi wa Hospitali ya Rufaa ya Mtakatifu Benedikto Ndanda unawakaribisha wananchi wote wenye sifa kuomba nafasi za ajira kwa ngazi zifuatazo.
Umeme wa jua
Kutokana na ufungaji wa mashine mpya za teknolojia ya hali ya juu zinazohitaji umeme thabiti bila kukatika au kushusha masafa, mahitaji ya umeme yameongezeka sana hivyo kuwekwa kwa umeme unaotumia jua ni muhimu sana katika hali hii ya kiikolojia na pia kiuchumi.